O FILMOS: Devinsko masakros/murdaripen hi kerdo sar mozi, andro februaris avela andro kinos.
záber z filmu Devínsky masaker / herec Pavel Vrabec /
Bratislavate 19. januaris 2011 (Gipsy Television/Paulína Janová) - The kerel mozi pal jek nek džungaleder murdaripen kana odoj mule the Roma kamel pes the sikhavel le manušenge sar dokumentos palo livinkeriben andre Braťislava savo pes ačhiľa aver berš. Jekh dugo calo raťakero filmos „Devinsky masaker" nasikavela čak savoro so pes oda ďives ačhiľa, numa the soske pe akada bilačhipen ačhila. La Gipsy Television, savi hiňi medijalno partneris ke akada filmos pal akada lake vakerde ola save o filmos keren.
Diľiňipen savo kerďa manuš - oda so vilinkerelas o Ľubomir Harman murdarďa ochto manušen, dešupančenge kerďa nasvaľipena u savore manušenge pre themi sikaďa manušakero dhukaviben pre goďi. Oda soske akada kerďa vakerenas, irinenas savore medija, magazini, ušagi numa čačo soske akada joj kerďa či adaďives ňiko nadžanel. O filmos kamel the sikhavel savorenge ko les dhikena jekh čačikano dhikiben pre akada so pes ačhiľa u the varesave dhikibena soske pes akada ačhiľa, soske murdarďa kajsi but manušen.
„Masaker v Devinskej Novej Vsi si nek bareder thaj zoralo ačhaviben pro phuro ideos, vrama andre Slovačiko themi kana pes kajso vareso ačhiľa. Kerďa pes pal akada filmos vašoda kaj pes kajso vareso naačehel sako ďives." prejkalo Gipsy Television phenďa o šerutno producentos o Robert Slovak andrale grupa Furča Film. Andro dokumnetos šaj dhikena the manušen khatare famiľiji manušendar save mule. „Kamľam kaj andro filmos the vakerel sako ko kamel vareso ke akada baro binos vareso the phenel u leskero dživipnaha pes akale binoha arasľa" vakerel o Slovak. Vakeribena save rakinen o manuša save akada savoro dhikne pre peskere jakha mejk andro filmos šaj šunen the lava save vakeren manuša save pes kajse bilačipnenca zooberinen. Soske akada oda manuš kerďa, pal akada kamel the vakerel thaj o Daniel Liška, šerutno pale grupa kaj pes športovno vilinekerel u andre late sas thaj o Harman buteder sar deš berš. Nevipena, dhikibena pro oda so pes oda ďives ačhiľa tumenge vakrela the jekh importantno manuš savo savoro dhikľa o Vincent Fratrič.
Andro filmos ejna the archivno materiali the videi save sikhaven savoro so pes ačhiľa in medias res. But interestanto si oda kaj andro filmos kerďam buťi la kameraha savi zachudelas o dhikibena jekh ezeros pal jek sekunda" phenel o Slovak. O filmos kerahas andre Petržalka the andre Vrakuňate kaj manuša save odoj bešen vičinenas pro livinkerdo butevar šingunen. „Kamľam nek feder the kerel o filmos avka kaj savorenge the sikhavas objektivno, butedre sejrenca savoro so pes ačhiľa" dovakerďa o lava. O scenaros irinde, ramosarde u buťi, režija pal akada filmos Devinsky masaker kerde jekhetne o Gejza Dezorz le Jozef Paleňikoha. O filmos si akada ideos/ vrama andre strižňa, andro kinos pes sikhavela čhoneste februar 2011.
