UNGRIKO: O šingune chudle /astarde/ duj manušen - numa na olen save murdarkerde le Romen

O šingune numa akada visarde avri, manušen saven chudle, nane andral akadi grupa. Pal ola informaciji save rakinďa e ungriko džaňipneskeri agentura MTI, e čhibali khatare Pješťansko phanlikero themerskero kotor, Andrea Beluzsarna phenďa, kaj ole manušen saven o šingune chudle, kerde ažutipen ko murdaripen Szazhalombatteske, muršeske savo kerelas buťi le somnakajeha, thaj manušeske savo bešelas andro leskero kher u thaj mjek manušnge, muršeske, džuvľake andralo Vietnamos. „Akadi grupa palo murdaripena, nakerel khanči vareso palo murdaripena pro Roma" zorale lavenca akada prirakinďa ko peskero vakeriben. E nacijonalno inštitucija palo šinguno rodipen (NNI) zaučharďa 9. agustoste kale beršeske šinguno rodipen le buteder maribena thaj šou murdaripneske save pes kerde pro Roma, save terďine beršeste 2008. Phandle sas štar manuša save pes sikhavenas pro ažutipen akale bilačhibnaske. Paš akala maripena mule šov manuša - maškar lende thaj jekh čhavoro.

Nek bareder binos pal akada pes ačhiľa 22.februaroste, beršeste 2009 andro gav Tatarszentgyörgy, kana andro kher kaj bešelas romaňi famiľija čhide Molotoskero labardo paňi. Ola so akada kerde paj vilinde muršes the leskere panč beršeskero čhavores, so duj džane kamenas the denašel khatare jag savi labolas andro kher. Šov beršeskeri čhajori sas phares dhukaďi. Kajso agorutno bilačhiepen pro Roma pes ačhiľa andro 3.augustos beršeste 2009 andro gav Kisleta, kaj livinde 45 beršeskera romňa thaj lakera 13 beršengera čhajora phares dhukade.