GIPSY TELEVISION: Dhiken peske e mozi/filmos Zaačhav banďaripen maškaro murša thaj džuvľa

Akale DVD - ečkoha akada ideos/vrama palo banďaripen maškaro murša thaj džuvľa /džendros pes kerel šukar buťi - edukacija andro 200 komunitne thana, bejzutno thaj maškarutne sikhľarde. E mozi/filmos si varesavo sikľarďipnaskero instrumentos saveha pes feder sikhavel o achaľuvipen pal akada fenomenos saveha pes savore arakhas sako jekh ďives. "O sikľarde, numa the o manuša save phiren andro Komunitne thana u šunen vakeribena, goďaveripena pal akadi agenda chuden akala mozatar, filmostar bejzutno džaňipena pal oda so hi banďaripen maškaro murša thaj džuvľa, kaj pes leha šaj nek budteder the arakhel, sar dhikľol avri. Kaj peske akada savore the džanen feder the rakinen ko jilo thaj goďi kerďam trin modelovo - sikavibena, save le manušenge akada problemos sikhaven čačikaňi seratar. The the hine varesave scenki kerde asavibnaha, sne kerde kavka thaj pherasenca vašoda kaj pes čačo sikade andro dživipena maškaro Roma, vašoda kaj akadi mozi, filmos si kerdo prejkalo Roma, „ dovakerel o Jozef Zeman šerutno direktoris khatare Gipsy Televisijon.

Akala khelutne scenki hine irinde /ramosarde na phara čhibaha, o akteri, peskere muja rakinde ande lende. Ko? Duj terne čhave, buťakere redaktora khatare Gipsy Televisijon. Joj pes mušinde palo trin čhoneskero ideos, vrama the „marel amara romaňi čhibaha". E Romaňi čhib si miri dajakeri čhib, vaš mande sas akadi buťi bud ineresantno u pal pale pes vareso nevo u but sikľujom, the vašoda kaj buťi prejkalo kameri si čačo jekh baro šukariben a man korkores rakinel pro bareder levelos andre akadi buťi. The the nasom profesijonalno akteris, o manuša save imar dhikle o scenki pre mande rakinde lašaribnaskere lava, so mange kerďa šukar učhariben pro jilo," phenďa o Peter Pollak savo si moderatoris la relacijake Hiri. Buťakero maro palo akteris peske chunďa andro vasta thaj o redaktoris andrale Čierna nad Tisou o Emil Balog. "Me nadžanav the vakerel romanes, no doresľom šukar agor akala buťake. Akadi buťi sas but interesantno numa pes dochudľom ko baro čačipen kaj amari čhib nane čačo lovki. Pro dujdo sera paťav kaj e mozi/ filmos savi amen kerďam le manušenge šegitinela, ažutinela kaj feder, buteder the prindžarel akada problemos palo banďaripen savo si maškaro murša thaj džuvľa, u do arasena ko oda, kaj si bud importantno kaj ňikaske the nakerel ňiko banďaripen čak vašoda kaj si džide varesave predsudki," dorakinel akala lava o Emil Balog.

Akadi mozi, filmos kamel the sikhavel so hin o banďaripen maškaro murša thaj džuvľa. Akale dromeha, charne mozi kamel e Gipsy Televisijon the sikhavel pro banďaripen maškaro murša thaj džuvľa, pro lengero dživipnaskero dhukado statustos, savo pes uľol andralo stereotipi maškar marginalizimen the exkludimen Roma / ajse manuša save dživen bud čores/. Akala mozijaha kamel e romaňi internetovo televizija the dochudel oda kaj peske manuša save dživen andro romane tabora the džanen so hi o bangaripen maškaro murša thaj džuvľa u sar kampel the kerel leskero cikňaripen. E mozi/ filmos pes kerďa palo lovakero ažutipen, šegitipen khataro Slovačiko gavermentos pašo buťakero drom savo kamel the phagerel savore dhikibena, keribena pale e diskriminacija, rasizmos, xenofobija, antisemitizmos the aver bibachtaľipena save pes keren pro manuša.

O filmos pes kerďa palo lovakero ažutipen, šegitipen khataro Slovačiko gavermentos pašo buťakero drom savo kamel the phagerel savore dhikibena, keribena pale e diskriminacija, rasizmos, xenofobija, antisemitizmos the aver bibachtaľipena save pes keren pro manuša.