BRITANIJATE: O Scotland Yard chudľa ochto džanen andraľi grupa- gengos savo kerelas bilačhipen
Andre akada manušakero džungaľipen zaphandle o šingune ochto manušen u 28 nek terneder, nek cikneder čhavoren imar rakinde pro viďazipen savo pre lende thovela o britaniko gavermentos.O šingune vakeren kaj džal lenge pal oda kaj the rozmaren jekh butederendar britaniko grupi-gengi save keren kheliben. Biznisos olenca save čoren, bikinen čhavoren. O šingune imar džanen kaj akala grupi kerenas peskero bilačhipen andre Rumunija, familijenca save dživen but čores u rosnes. Akale famiľijenge phenenas kaj the muken peskere čhovoren lenca andre Britanija u jovn odoj zarodena love save bičhavena lenge khere. Olenge save pre akada ačhine denas love, intereši kaj peske o čhavore the cinen tiketi pro vonati, u mangenas lendar buteder love pal o intereši sar čačo oda tiketos moľas.
O čhavore nakerenas Londinoste čak oda kaj čorkerenas andro bare bouti, žobrinenas love pre ulica, numa thaj kerenas varesave lendar džungaľipena pal e prostitucija. Akala čhavore ďiveseste zarodle varekan thaj 300 libri (340 euri). Numa kale lovendar nadhikenas ňijekh penni, o love avke sar phenel o Scotland Yard peske lelas savore e grupa - gengos pro oda kaj peske khere andre Rumunija the ačhavkeren peskere luxusno, bare khera.
Oda so pes irinel andro londinsko sakoďiveskero ušagos Daily Mail, o utorkovo rodipen savo kerde o šingune si but zaučhardo oleha so pes akadi vrama imar rakinel pro krisos andre Rumunija. 24 manuša si rakinde pro oda kaj imar but vrama kerel sar kajsi grupa- gengos biznisos, biľačhipen čhavorenca andre Britanija.
