ČR: O Nečasoskero gavarmentos čhiďa avri andralo sejkos le Michael Kocab
foto TASR
Prahate 15. septembros 2010 (TASR) - O Čechiko gavermentos, leskero šerutno Peter Nečas ada ďives kerďa rezultatos oleske kaj o raj Michal Kocáb imar nane buteder splnomocnencos pal o manušakere hakaja.
Leskero phageripen kale postoske pro gavermentos pes užarelas imar duj kurke, kana pes maškar leste the maškar šerutno Nečasos ačhile rakinde bilačhipena, vakerde lava pal so duj sera dochudle pes andro media, magazina.O Michael Kocáb pre akada savoro phenďa, kaj andralo peskero ofisos džala het mejk ada ďives, numa do rakinďa ke ada the lava seve sikhaven pro od kaj akale čechiko gavermentos nane khanči „manušakero muj, paťiv ke agenda pal o manušakere hakaja". Ko bešela pre leskero sejkos pes akadi vrama mejk na džanel. O šerutno Peter Nečas phenďa kaj pal akala manuša save šak kerena kadi buťi vakerela e politicko koalicia. Joj korkoro na kamel kaj pre akada sejkos the zabešel varesavo političaris numa manuš savo kerel buťi pro urados savo džanela pal soste si buťi ko manušakere hakaja. Lavakero mariben maškar o šerutno Nečas the splnomocnencos Kocáb peskero agor arakhla 2. septembros kana pes soduj džane arakhne pre jekh buťakero mitingos.
O Nečas phenďa le medijenge, kaj le Kocaboha pes do thode pro oda kaj od džala khatare kadi funkcia ko 15. septembros. O Kocab but rušila pro oda, kaj o šerutno leskeri rezignacia phenďa le medijenge mejk sigeder sar o splnomocnenos la diňa pre astala le šerutneske.
Preklad článku do rómskeho jazyka neprešiel jazykovou korektúrou (štandardizácia rómskeho jazyka).
