UNGRIKO: O Roma kamen the avel khere andrale Kanada, vaš oda kaj meren jilestar pal o peskero them kaj uľine

O foreskero romengero šerutno andre Nyíregyháza o Artúr Balogh le ušagoske - magazinoske phenďa kaj andralo foros odgejľa vareso ko 60 Roma, akana joj kamen the aven pal pale khere. Našťi odoj joj dživen vašoda kaj len but dhukal o jilo pal lengeri phuv kaj uľine.

Andre vrama jekh berš pal pale kana murdarde varesave Romen andro Ungriko, 30 manuša odgejla andrale peskere khera taboristar/lagerostar Huszár u gele andre Kanada. Andro čhon julos avle pale khere lendar 20 džane. Čak jekh familija ačhija the dživel andre Pešťa. Savore akala familija kamen pal pale peskere khera, numa akala si le foroskere khera u na lengere privatno. Avke sar vakerel o hakaja pal o bešiben andre akala khera, the vareko džal varekaj andralo kher buteder sar 60 ďivesa mušinel le foreske the phenel akada, akala familija nakerde savoro pal akada hakaj u vašoda o foros diňa o khera aver familijenge.

U so mejk buteder našťi akala familiji save odgejne či ko panč berša the mangen forostar aver neve socialno khera. O foros lenge šaj ažutinel čak kherenca andre save šaj jojn bešen čak varesavi charňi vrama. E romaňi foreskeri grupa kamel the kerel jekhetaňi buťi u the ažutnel akale romenge - irinel pes andro ušagos - magazinos.

Preklad článku do rómskeho jazyka neprešiel jazykovou korektúrou (štandardizácia rómskeho jazyka).