UNGRIKO: Zatapošinde rakľija pre diskoteka/kheliben Peštate nadosurinkerde o Roma.
ilustračné foto TASR
Peštate 18. januaris 2011 (Gipsy Television/Paulína Janová) - kana muľe trin džuvla pro internetos pes irinenas načačipena paloda kaj len o ungrike Roma dosurinkerde. O doktoriko dhikiben pro krisos the o šingune imar džanel oda kaj o meripen akale džuvlenge „na sas kerdo čhurenca".
Sar phenďa o čhibal la peštakero šingunendar o Zoltan Timar, andro liľ pes irinel kaj o meripen pes našťi ačhiľa avka kaj len vareko dosurinkerďa čhuraha. O šingunen mejk našťi sikaven aver čačipena pal akada so pes ačhiľa. Adaďives o šingune phende čak ajsi kaj o meripen le čhajenge pes ačhiľa pre diskoteka, pro keheliben sonbatone andro peštakero klubos West Balkan kaj akala džuvľa paše panika tasľune. Ppre diskoteka andro West Balkanos sas pro kheliben 2700 manuša u e panika pes ačhiľa akor kana nabašavelas o giľa, labarde pes o viľaňa u vareko vakerelas maškaro manuša kaj vareko pre diskoteka surinkerďa manušen čhuraha u pajl mune.
O manuša kamenas the džal avri le cikne vudarenca thaj blakenca. Kana pes savore ispidenas avri ačhine pes buteder dukhavibena the zoraleder dhukavibena pro dešti. O ažutipnaskere palo o saťipen pajk phende kaj muľe trin čhaja u andre špitaľa line jek mates, terne čhaves u kerde thaj sasťardo dhikiben pro jekh terno manuš saveske ačhiľa rosnes. Aver dhukavibena nasne. Le mule čhajoren arakhle pašo vudar andre diskoteka. O doktori mejk naphende oda kaj mule vašoda kaj pes ispidenas avri u thasľune. O šingune chudle panč manušen, the olen kaskerengeri e diskoteka hiňi.
