E POĽCIKO: O Roma mangle le govermentoskre šerutnes le Tusk, kaj te phenel sar namištes dikhel pre oda so kerel e Francija
Varšavate 31. augustos 2010 (TASR) - Namištes pes dičhol o avrivisarďipen le rumuniakere the bulgariakere Romen andal e Francija, phendažs ada džives e poľske romengeri organizácija, savi the mangľas le govermentoskre šerutnes le Donald Tusk, te phenel kaj oda so keren andi Francija nane mištes.
O organizacijakero šerutno o Roman Kwiatkowski diňas zor le lavenge, kaj o Poľciko, pre kaskeri them chudľas o nacisticko ideologia te likvidinel ajci manušengre dživipena, vaš oda musaj te avel maškar perše thema andre Europsko Unia, so keren reakcija pre oda so kerel le Romenca e Francija. Jov gondoľinel, kaj e Varšava musaj la Parižake te sikavel kaj te na kerel diskriminacija vaj avrivisarďipen pal o manuša andal jekh etnicko grupa.
Pal o dženengero ginďipen andro berš 2002 dživel andro 38-milionovo Poľciko them na calo 13.000 Roma. Lengere interesa zaterdžol adi organizacija so phenel, kaj calo rachiben vaš o romane džene andre Poľciko hin pal o 50.000.
Preklad článku do rómskeho jazyka neprešiel jazykovou korektúrou (štandardizácia rómskeho jazyka).
