E ŠVAJCIA: Bare maribena pre dal ola džene andal e Ungriko so sikade pesrki zor pro aver džene
Zürichoste 25. Augustos 2010 (TASR) - Dovakeriben le štare pasakenca andal e Ungriko pes chudľas adadžives andro švajčiarsko foros Zurich. Den lenge doš vaš o namište keribena, dženengero bikeňiben, kerďipen zor pro džuvľa, prekeriben vaš o khamľipen the baro sastipnaskro mosariben.
Ola džene hine Roma, ande andro Zurich loke džuvľen andal e Ungriko the Rumunia the odoj pre lende sikavenas lengri bari zor. Prindžarde hine 16 bibachtale džene andro berša 19-42. O dovakeriben hin thodo pro duj džives, sar informinel o internetovo dživeskero ľil Neue Zuricher Zeitung, nane pre dal o džene. Štar došakre murša andro berša 30-41, save has marde andre lengri them vaj keci berša anglal, hin khere fameľiji. Pre dalo dovakeriben has lenge pro vasta the čhanga o lanci. Lengro pančto amalos pes murdardžs andre bertena. Doš pes del the jekha džuvľake so has lenca jekhetane.
E prokuratorka Silva Steinerova pro agor phendžas kaj ala džene hine igen namište, brutalne the vakerelas pal oda so kerenas le khamle džuvľenca. E džuvľi so lenca marelas banda mušinelas te dodikhel pro džuvľa avri pro drom Zurichoste. Ani jekh murš pes ki e doš so pes lenge diňas napriznajindžas. E prokuratorka kamel pre dal o peršo nekvinovateder murš o nekbareder mariben - 16 berša the mek the love te počinel. Pre dal o aver došakre kamel maribena andre bertena pro 11,9 the 4,5 berša.
Preklad článku do rómskeho jazyka neprešiel jazykovou korektúrou (štandardizácia rómskeho jazyka).
