EU: E Europikaňi komisija dochudľa vakeriben khatare Francija palo avri čhivibena save pes keren le Romenca andre lengeri themi.

O Francuziko gavermentos phenel andre akada vakeriben kaj šaj priučharel varesave kompromisi u the pikerel peskere hakaja kaj the khelel le hakajenca pal e Europikaňi unija, andre savi pes irinel kaj sako manuš šaj phirkerel kaj jov u kana kamel, kaj šaj dživel odoj kaj the dživel kamel, akada pes ačhiľa akor kana la Francijake e EK sikhaďa hazdo angušt thaj zorale hakaja save pre late doperena the na kerela varesavo šukariben pal akada so pes ačhiľa le Romenge. E EK adaďives phenďa kaj dochudľa khatare Francija charňi vrama savi avelas ko jepaš raťi pro paraštujin, andre nek agoreskeri paluňi vrama, kana akada mušinďa e Francija the kerel, kadi vrama e EK rakinďa le Parižoske.

"Eršejne rezulati, avrikiďipena pal o akada dhikiben šaj avena utorkoste," phenďa o čhibalo Mark Grey. E Francija palo oda so phenel o Bruselos namišto zaučharďa peskere hakaja khataro berš 2004 save vakeren pal o manušakero biphandlipen, kaj kamav u kana kamav the džal. Avri čhiviben le manušen save dživen andre EU si bejzutno hakaj, šaj pes avka ačhel čaka kana pes kerel pal akada indivudolano dhikhiben.

O Bruselis čhivel bilačho dhikiben pro Pariž, vašoda kaj andro ňilaj akale beršeske čhide avri buteder ezera Romen andre Rumunija thaj Bulhariko themi. E EK diňa la Francijake ideos, vrama či ko jepaš raťi savi perelas pro ďives paraštujin, kaj the bičhavel varesavo aver dhikiben pro šukariben akaleske savorske so pes ačhiľa, the akada nakerela čhivela pre late e EK lakere phare hakaja. Oda kaj o hakaj palo biphandlipen oleske kaj u kana kamen the phiren savore manuša andre EU si zaučhardo bejzutne hakajenca.