HAMBURG: Zathov o deportacii!
Hamburg/Bratislava 17. novembra 2010 (Gipsy Television/Daniela Strelková) - Nemecka ministri avena pre adaďivesutňi konferencia andro Hamburg the vakerena palo koda so užarel 14.000 ňipen, saven daravel e deportacija andre Kosovo. Gipsy Television pal kada informinďa o Roma Centre andalo Nemcika.
„O ňipi, maškaro save hine the o Roma, save denašte andalo Kosovo anglo baro mariben. Andro Nemecko dživen buter sar 10 berš. Lengere čhave imar pen len sar Nemci the hin len savore lengere socialna kontakti," sikhade predal o Gipsy Television o čhibale andal o Romano centrum le thaneha andre Göttingen.
„Buter lendar na džanen te vakerel serbikones, ta o Kosovos hino predal lende hiňi anrengeri them. Situacija le Romen andre kadi them hiňi mek goreder. Mek midik hine andre cikňiben hine tele diskriminacija the o rasizmus. E kriminalita, o nalačhipena kerde pro Roma ačhon andre Kosovo bi o mariben. Pro predal e mira le bi o buťakeren hiňi maškaro Roma 100 percentno," deklarinen o čhibale andale Roma Centre.
Andro kuluara pes imar cichones vakerel, te le Romen the avka deportinena, thovena len andro tabora, save hine thode pre mosarďi phuv, kaj varekana terďonas chemicka fabriki, vaj čhidľipena. „ Kolen saven daravel e deportacia, u the jon šaj dživen ča le čhidľipendar. Lengero savoro so ela dureder hino nalačho," zaphandel o Roma Centre. Dočačes oda sikhavel avri, hoj le manušenn by nasas šanca te sikhľol, te resel lačhi buťi the marenas bi pes la cikňaha sasťipnaskeraha dodikhibnaha.
