O Europikano romano centro mangel le Sarkoyzstar kaj the čerinel o dikhibena pal o pahgeripen pro romane tabora/lagera

foto Gipsy Television

Vašoda kaj o gavermento nakerďa khanči vaš oda kaj o roma the bešen šukares, andro khera u naj andro tabora/lagera. O Francuziko gavermento pes mušinďa the ačahvel zorales ko oda so pes kerďa andre vrama kana pes marde o roma le šingunenca - phanlenca duj kurke pal pale. O maripena pes kerde vašoda kaj o šingune - phanle vilinde jekh romes savo denašelas kana les kamne the chudel. Buteder Roma kerenas bibacht, maribena thaj bilačhipena, labarde thaj trin motora.

O prezidentos Nicolas Sarkozy vašoda tetraďi - stredone thoďa agorutno lav saveha pes savore roma bie francuziko nacia mušinen the čivel avri andralo Francuziko. Zorale laveha phenďa kaj savore so kerde bilhačipena mušinena the dhiken zoralo vast. O prezidentos mejk phenďa kaj o Francuziko mušinela the kerel varesavo nevipen pal o hakaja kana pes dochudel e nacia u akada hakaj kerela loukeder drom ko oda kaj ajse manuša naši the dživen andro Francuziko.

O Francuziko gavermentos kamel thaj the bičhavel andro romane tabora dešen rajen save keren buťi prejkalo hakaja le lovenca save mušinel sako jekh manuš andre Francia the del le themeske. Akala manuša kamen the dhikel pro oda či o Roma akala hakaja pal o love keren žušes. O Sarkozy sikhaďa pre akala romane tabora/lagera sar thana andre save pes kerel bári bibacht, kheliben - biznisos le manušenca, bilačhipena le čhavorenca thaj ľubipena.

Preklad článku do rómskeho jazyka neprešiel jazykovou korektúrou (štandardizácia rómskeho jazyka).