PLAVECKE ŠTVRTKOSTE: O Roma kamen te thovel tele le šerutnes pro grav, o gadže na
foto TASR
Plavecke Štvrtkoste 29. augustos 2010 (TASR) - O manuša so dživen andro romano taboris Plavecko Štvrtkoste pro Zahorie na ne spokojna le šerutneha pro gav. Pisinde peticia kaj les te thoven tele. Tel odi peticia pes podirinde buter sar 150 manuša.
Andre peticia hin irimen kaj o šerutno kerel diskriminácia, na kerel dosta pal le romengre problemi the kamel te žužarel avri o thana kaj hin akana o taboris. Pal kade mek mangen kaj ande kheratuňi škola te preačen te phirel o šingune. O šerutno pal o Plavecky Štvrtok Ivan Slezák nadomukel pre peste e doš. Sar phendžas predal o TASR, o romano taboris hino kerdo le kherendar so has thode pro kales pro thana kaj hin prirodno parkos. Tel oda o thana džal the bere tlakoha o plinos u šaj oda avri demavel te o džene andro taboris keren buči la jagaha. Paš ajso avri demavipen šaj pes ačhel bibacht pro sasťipen vaj pre dal o dživipen. Adi situacia kampel te rozthovel.
O Slezak phendžas, kaj andro Plavecky Štvrok phiren o šingune. „ Imar aňi narozthovasl pal o cikne čorašága andro gav, save pena daj ačhen sako džives. Kamas te phenel varese vaš o ľikeriben le romane čhavorendar andre škola, save maren avre čhaven. Imar pes ačhel the oda , kaj o romane čhave maren the le sikhľarden". O gav mušindžas the regulinel the o pani andro taboris. Tosara the rači hin o paňi muklo pro 2,5 ori. O manuša andal o taboris kamen vaš o pani jekhetane pal o 9000 Eur. Aver 13.000 Eur o gav mušindžas te počinel vaš o džungipen so hin khatar o taboris. „Ala love našti o gav počinel peskre lovendar. Vaš oda amenge šigitinen the varesave sponzora", dophendžas o Slezák.
O džene andro gav Plavecký Štvrtok den podpora le šerutneske. The jon pen irinde tel e peticia, u jekhetane oda has 450 džene. Phende odoj avri kaj nane lenge pre dzeka kaj o Roma kamen te thovel tele le šerutnes pal o gav . „Nakamas the dopočinel pro kalo taboris" Savore so kampel amenge počinas korkore. Pre aver sera o džene andal o taboris napočinen vaš o pani ani vaš o džungipen. Oda so o Roma napočinen džal le gaveskere lovendar, u andro gav nane dosta love, save kampel savorenge", phendažas pre dal o TASR pal e peticia o František Vajarský.
Preklad článku do rómskeho jazyka neprešiel jazykovou korektúrou (štandardizácia rómskeho jazyka).
