O FRANCUZIKO: Kerel aver deportaciji /avri čhivibena khataro than/
Parižoste/Bratislava 8. Novemberis 2010 (Gipsy Televisison/Katarina Strelkova) - Buteder sar panč ezera Roma andral Rumunija u 700 Roma khatare Bulharija ľine love andrale Francija vašoda kaj len rakinďa avri andral peskeri themi u geľe savore pale khere andre peskere themi.
O Parižos del 300 euri jekhe manušeske u 100 euri pro jekh čhavoro famiľijenge, save korkore kamen the džal pal pale khere andre peskere themi. Akada keriben savo kerel e Francija pes nadhikel šukaribnaha pal e sera inštitucijenge save keren buťi pal o phageripena manušakere hakajenge. Aver dhikibena vakeren pre akadi politika ola seraha, kaj akada si prejkal akala Roma čak varesavi dovolenkica, u vaš akala love save chudena peske šaj pal pale cinena tiketi pro drom pal pale andre Francija. O nek šerutno pal o ministerijum Bessonos le medijengen phenďa kaj o francuzike themeskere inštituciji rakinde pal pale avri andre lengere themi 1476 Romen andrale Rumunija u 227 andrale Bulharija. Sar manuša save dživen andre EÚ šaj aven pal pale andre Francija vaj andre aver themi kana jov kamena.
Dureder vakerel o Besson kaj andro berš 2010 palo štatisticko dhikibena andre reatracija/avri rakiben andral themi/ na sas khanči varesoha interesantnoha, the dothovel lava save sikhaven prooda, kaj čačo hi oda, hoj akala „avričhivibena si sigeter kerde sar aver vrama" čeripen palo lava save pes rakinen pal akadi emigračno politika kerďa e Francija paloda kana chunďa la Euripikano komisijatar zoralo diskriminačno dhikiben pro Roma. O Besson vakerelas pal savore akala manuša čak sar palo lengero dživipnaskero štilos u sikhavelas paš akada vakeriben lav „nomad" savo sikhavel prooda sar akajso manuš dživel na pal leskeri nacija.
