E ITALIA: Andro romano taboris labolas the muľas jekh trineberšengro čhavoro
Rímoste 27. augustos 2010 (TASR) Andro jekh romano taboris paš o Rím muľas trineberšengero čhavoro u leskro trinečhonengero čhavoro has igen bares labardo. Adi informacia ande adadžives o talianske media. Štar romane khera andro taboris rači chudle te labol.
Soske pes ada ačiľas pes mek nadžanel, sar phendžas e printovo agencia ASNA. Le čhavores rakhle andre leskro hadžos ola džene so murdarde andre e jagh. O cikneder čhavoro hino andre špiťaľa the hin les labardžipena predal o dujto the trito stupňos pal buter sar 40 percent pal calo teštos. E agencia ASNA phenel kaj o dad the e daj hine andal e Rumunia the hin lenge 23 the 21 berš. The jon has čepo labarde.
O šerutno pal o than adadžives phendžas kaj ada taboris so hino thodo pro kales avla demado le buldozerenca dži varesave ori the o 63 manuša savendar hine 15 terne čhave pre thovena andro thaneskero kher. Ada incidentos pes ačhiľas andre situacia sar pes igen bares vakerel pal o Roma andre EÚ. O Taliansko šerutno pal o themeskere kerďibena o Roberto Maroni oka kurko phendžas, kaj o imigračne čačipena andro EÚ bi šaj kernas lokeder o avri visarďipen pal ola Roma so hine andre EÚ pro kales.
Preklad článku do rómskeho jazyka neprešiel jazykovou korektúrou (štandardizácia rómskeho jazyka).
