O FILMOS: E Gipsy Television kerďa dokumentarno filmos Čoripen andro 21 šel beršengero ideos/vrama.
ilustračné foto TASR
Bratislavate 5. januaris 2011 (Gipsy Television/Daniela Strelková) - E Gipsy Television imar varekeci čhona kerel buťi palo o dokumentarno filmos savo pes vičinel Čoripen andro 21 šel beršengero ideos/vrama. O buťakere redaktora andral Gipsy Television sne andro butedera romane tabora pro Slovačiko them. Rakinen tumare jakha pro charno dhikiben pale lengeri buťi.
E Gipsy Television andre akala ďivesa kerel agoripen akala buťake pal akada dokumentarno filmos Čoripen andro 21 šelberšengero ideos/vrama. „Akada filmos si eršejno andralo 4 filmi save džana kotorenca pala peste" u kerel len amari tevezija. Savorenge kamas the sikhavel čačikano dživiepn savo pes dživel le Romenge andre Slovačiko them. Nakeraha andro filmos ňisavo šukariben, u nakereha ňi varesavo garuvipen. Andro filmos sikavaha čak o čačipen andro savo ačhen amare Roma" phenďa o šerutno direktoris Gipsy Television Jozef Zeman.
Eršejňi nacijakeri internetoskeri televizija, savi kerel učhariben vaš savore manuša andro štar themi, Slovačiko, Čechiko, Ungriko the Poľčiko kerel buťi pal akajse dokumentarno filmi u akada ideos, vrama kerel the andro Čechiko „ O filmos pes akana kerel imar pintekone /paraštujin andro foros Litvinov. Le manušenge kamas the sikavel akale filmoha dhikiben palo so duj sera - gadžikaňi the romaňi - proda so pes ačhiľa pro sidliskos andro foros Janovo beršeste 2008 kana o extremisti/ o skinhedi kerenas akadaj bilačhipen" dorakinďa akala lava o J.Zeman. Andro filmos peske šaj šunen the lava save rakinela o expertos/analitikos palo bilačhipena o Andor Šandor.
E Gipsy Television mukľa peskero intenetoskero portalis čhoneste septemeber andro berš 2010. E televizija „pes uľila" vašo lovakero šegitipne/ažutipen khataro International Visegrad Fund.
