M.POLLÁK: Kampel the visarel e buťi avri, maškar manuša andro romane tabora/lagera
foto TASR
Sar ada ďives phenďa prejkalo TASR, kampel nek buteder the kerel šukareder buťi andro Komunitne thana. „Sako jekh ajso romano taboris/lageris si aver, sako jekheske kampel vareso aver," prithoďa zorale laveha o Pollák. Varesave projektura vaj bud šukar lačhibnaskere gindura save pes imar kerde andre phuri vrama hine prej kal leste láčhe, numa nakerďa pes feder politika pal o love the manuša save sas andre akala projektura. „Varesave akala projektura pes kerenas jekh berš, varesave jepaš berš, varesave pal pale kerenas pro nevo u varesave imar na,"rakinel o Pollák goďaveripena. Dureder vakerel kaj kampel akaleske the thovel varesavo zoralo systemos. „Bejzutno si oda kaj kampel akale romenge the kerel šukar servisos, na čak vašo socialno statusos, numa akada nane čak lengero bilačhipen thaj binos, akada si na šukariben savo pes rakinel savore menušenge andre slovačiko them, si oda sikaviben amare savorengero," phenďa o Pollak.
O šerutno phenel, kaj les nane varesavo čudikano kaštoro khanči vareso soha akala problemura pes imar andre charňi vrama visarela pro federipen. Leskero ofisos si čak than savo le slovačiko gavermentoske šaj sikhavel, vakerel pal droma savenca pes šaj kerel feder buťi prejkalo roma, numa nane les khanči hakajengere instrumenti. Akadi vrama pes keren buťakere mitingura maškar dujto šerutno slovačiko gavarmentoske savo si prejkalo savore manuša saven hiňi aver sar slovačiko nacia u dživen andro Slovčiko kaj pes the do thovel leha pro varesave hakaja leskre ofisostar. Pal o themeskero socialno projektos savo pes kerel phenďa, kaj peske arakhla peskero than numa mejk kampel the kerel kaj the avel šukareder. Akada projektos pes dochunďa čak andre varesave gava, forova. Akana si akala projetura za ačhade, numa keraha savoro prejkal od kaj te džan dural. Javka varesaj si thaj o projektura andro 150 gava thaj forova save užaren pro love andralo štrukturalno fondura „Themeskeri komplexno buťi". Pre akala projektura si rakonde 200 miliona euri. Sar phenel o Pollak, kampel pes the dhikel pro oda soske varesave gava, the forovha chudena akala love pro projektura, vašoda kaj si the aver gava kaj si buteder roma u bareder binos andre lende. Pro oda kaj pes kerel bari segregacia pro romane čhavore andro sikľarde phenďa, kaj kampel polokes te kerel eliminacia - bhageripen pro špecialno sikľarde u the kerel akale čahvorenge jekhetaňiben pal e integracia andro bejzutno sikľarde.
Preklad článku do rómskeho jazyka neprešiel jazykovou korektúrou (štandardizácia rómskeho jazyka).
