UNGRIKO: Chudel pes te kerel programos „ banki pre dal o čhore"
foto TASR
Budapeštate 6. septembros2010 (TASR) - E Raiffeisen Banka andre Ungriko dela perše love olen so keren buťa andro experimentalno programos „ banki pre dal o čhore". Sar irindžas o ungriko ekonomicko dživeseskereo ľil Világgazdaság kamel i banka de del andre kala 30 čhona jekhetane 400 miliony forinti (1,41 milioni eur).
O love chudena o džene bi o pravno the lovengero garuvipen ča vaš o pačhaben. Jekh veca so musaj te keren hin, kaj lengere buťa te anen aver love, bo o požički andal e banka kampel te počinel pale le ziskostar. O love andal e banka šaj chuden te kerel vaj 400 neve buťa the chudena od 300.000 do 1.000.000 forinti (od 1054,48 do 3514,94 eura). Ada experimentalno projektos by majinelas sar irinel o dživeseskero ľil te odpenel pro phučiben, či ale dromeha šaj chuden te kerel buťa o džne so dživen andro čoripen the andro but pripady ola Roma so dživen andre segregácia. Užarel pes kaj ada le romenge šigitinela te dochudel pes avri kaj imar na avena bi o buťa, na kerena pro kales, ale počinena o dani sar the aver manuša the, the lengeri ekonomicko situacija pes avela feder, avla len bareder pačiv the calkom pes lengero dživipen šaj uprevazdel. Ada projektos kerdžas e organizacia Dženengeri iniciativa pre dal e bacht, dodiňas o Világgazdaság.
Preklad článku do rómskeho jazyka neprešiel jazykovou korektúrou (štandardizácia rómskeho jazyka).
