E Gipsy Television si jekh unikatno romaňi internetoskeri televizija andro thema save pes rakinen andre Višgratsko štarutňi. Amaro bučikano dikhiben pes zathovel pro oda kaj the sikavas šukariben pal o manuša saven hiňi romaňi nacia /pal o roma/ andro phučibena pal o socialno politika, sikľarďipen /edukacia/ sasťipen, manušakere hakaja the pal lengero phageripen - diskriminácia. Akada savoro kamas the kerel avka kaj keraha audio vizulano buťi /šuňiben thaj dikhiben pal o internetos/.
Kamas akala amara televizijaha the dochudel oda kaj o gadže the dhiken pro roma šukareder jakhenca, pro roma save hine čore, bi búčakere, bi khereskere - marginalizovano roma. Kamas the kerel jekhetaňi šukar buťi - varesavi kooperacia savore aver instututenca save keren buti andro media prej kalo roma /romane thaj naj romane media/. Rakinaha pes pro oda kaj amare editora šaj phirkerena odoj kaj pes vareso kerela interestantno pal o roma. Keraha amari buťi thaj jekhetaňiben /netvorko prejkalo salo slovačiko them.
