R. CHMEL: Miri inštitucija mušinel the dikhel avri sar nek šukareder butoris andre bovta/sklepa
foto vicepremier.sk
Bratislavate 10. novemberis 2010 (Gipsy Television/Daniela Strelková) - Dujto nek bareder šerutno palo gavermentos SR, savo kerel buťi pal o manušakere hakaja the cikneder nacijakere grupi save dživen andre Slovakija o Rudolf Chmel pro buťakero arakhaviben pre savo avne manuša khatare ala cikne grupi, lenge sikhavelas čeripena, neve dhikibena, save užaren leskeri inštitucija.
E inštitucija akadi vrama, ideos džal dromeha savo pes čerinel a u vašoda, kaj pes černiďa o hakajos andre SR . Tel leskero baro lav, leskeri inštitucija perel andralo ministerijum pal e kultura - khotor khataro cikneder grupakere naciji. Andro dživipen pes oda sikhavela avka kaj o love save pes rakinen andre akada gavermentoskero khotor peren tele leste. Leskera inštitucijake mejk buteder pherel thaj khotor pale e buťi savi pes kerel palo sikľarďipena kale cikneder nacijonalno grupenge. U kadi vrama peske tha kerel nejvi grupa palo manuša save kerena šukareder buťi andre leskeri inštitucija, savi kerela peskeri nevi buťi čhonestar januariste imar aver, neve lovenca.
Pro akada buťakero arakaviben le šerutneha pes arakhle e Zuzana Kumanova, Agnes Horvathova, Gejza Adam, Irena Adamova, Inga Lukačova, Ladislav Horvath thaj aver. E Gipsy Television sas pro arakhaviben korkori maškar savore elektornicko mediji save hine andre Slovačiko.
