UNGRIKO: O Raťišageskere pal e ekologicko bibachtaľipen roden šov našade manušen
foto TASR
Pal oda so pes irinel andro adaďiveskero ungriko ušagos Nepszabadsag 36 ovra pal oda sar pes ačhiľa o bibachtaľipen furt mejk naarakhle šoven phureder manušen. O raťišageskere peske gindinen kaj avena varekaj zaučharde andre bari čik savi šaj doresel či ko jekh metros. Kala raťišageskere rodkeren andre akadi loľi čik le manušen trastune pacenca. E Ungriko agentura MTI diňa džaňipen, kaj raťi o raťišageskere rodkerenas andre čik kana perelas baro brišind. Paš o gav Devecser rodkeren thaj pro plaja, kaj e bari čik pal savoro aver peha cirdelas the motoris, akada drom sas dugo duj kilometri. O slugaďa kerde pro thana kaj pes rozphagerde o mosti /briča/ pontonoskere mosti. Prej kal kala pes šaj dochuden o manuša andro the andralo gav savo si but melalo thaj rozmarkerdo.