GIPSY TELEVISION: Andre vrama, ideoste kana pes kerenas avri kidipena sas nek feder maškar romane internetoskere blakici /vebi
foto Gipsy television
Bratislava 30. novemberis 2010 (Gipsy Television/Katarína Mrňová) - Online /džide/ čačipena - dhikibena andral Slovačike themeskere khotora, save peske savore manuša dhikne pro amaro vebos - romaňi internetoskera televizijake pale Vyšehradsko štaribnakerake (V4) andre akadi vrama, ideos avri kidipneskeripena peske len dhikne buteder sar 6 ezera manuša.
O thaneskekere avri kidipena sas nek bareder ko ďives sonbatone pro dhikiben thaj keripen andre Sloavčiko themi. E Gipsy Television vašoda anelas manušenge save sne pro akada portalos /khotor andro internetoskeri luma/ sar čak jekh romano elektronicko punktos online /džides/ čačipena, dhikibena andral savore Slovačiko themeskere khotora „Vakeras palo 18 pres riporti. Sne maškar lende thaj amare riporti numa the riporti kahatare amari jekhetaňipnaskeri buťakeri grupa - Riporteskeri pres grupa SR" phenďa akada o direktoris, šeralo khatare Gipsy Television o Jozef Zeman.
Romaňi internetoskeri televizija sikhavelas akala dhikibena, čačipena the pre aver elektronicko internetoskero khotor savo pes vičinel u hino bud prinadžardo svorenge - facebookos. „Savore iribena, press riporti save pes dochudenas ko jakha palo oda sar pes u so pes kerelas le Romenca andro avri kidipena pes sikhavenas ko cera 6.700 elektronicko blakici/profili. Nek buteder ko peskero lašaripnaskero baripen pes sikhavelas oda riportos, iriben paloda kaj pes rakinelas phageripen palo hakaja pro krisisos hoj vareko andro foros Kežmarkoste le Romen vozinel pro motora, vaj busenca ko avri kidipena. Akada riportos peske dhikle 880 manuša. So mejk buteder kerďa amari televizija sas oda kaj amen eršejne maškaro slovačiko mediji sikaďam pro bilačhipen avri kidipnaske savo pes kerelas foroste Kiraj Chlmocosiste. O internetoskero khotor /blakica peske dhikle thaj o manuša khataro aver lumakere themi, andro Mexiko, Australijate, andre Amerika, andro Irsko, Anglicko, Rumunijate, Srbskoste vaj andre Slovenijate," dothoďa akala lava o Zeman.
E Romaňi internetoskeri televizija "Gipsy Television" mukľa ko dhikiben peskero vebos andro čhon augustoste 2010, sar eršejňi cikňarkereskeri - nacijakeri televizija andre Slovačiko themi. Lakero agorutno buťakero šukariben pes kamel the do chudel ko oda, kaj the avel ažutipnaskeri, kaj the šegitinel le Romenge andro lengero dživipen kana pes „maren" le dživpnaha andro khotora palo socialno buťakeri politka, sikľarďipen, sasťipen, manušakere hakaja thaj pale diskriminacija. E Gipsy Television imar pal nabud ďivesa andre charňi vrama, ideos mukela peskero pherďipen - dhikiben.
