POĽČIKO: O Extremisti kamen the rakinel peskere čanga pro droma andro foros Varšavate
ilustračné foto TASR
Varšavate/Bratislava 10. novemberis 2010 (Gipsy Television/Katarina Mrňova) - Varšavate kamen the phiren o extremisti. "Za ačhavas len jekhetane," la Gipsy Televisijon phenďa akada o Wiktor Marszalek andrale organizacija Khanči buteder.
O Extremisti imar thajsa kamen the rakinel peskere čanga pro droma andro foros Varšavate. Numa sako berš akadi vrama pes arakhen pro droma thaj ole manušenca save akada nadomuken, andrale organizacija Khanči buteder, savi the la ažutipnaha pes visarďa pre Gipsy Televisija, kaj mangen savore manušen, hoj the aven avri prodroma u the keren jekh zorali blokacija. " O Nacionalisti thaj o neofašisti sako berš kana pes irinel ďives 11. Novemberis keren akajso phiriben. Amen numa nakamas, kaj ola save kamen the kerel bilačhipen, save rakinen buťi pre xenofobija thaj raisiticko gindipena savo pes kerelas phuri vrama palo dujto lumakero maripen. " Phenďa vaše romaňi internetoskeri televizija o raj Marszalek.
E organizacija prejkal duj berša imar kerel akajsi blokacija. Kamel akada the kerel pal pale thaj akada berš "Bares paťas olelske kaj baravipen akale nacijonalisticko džungalipnaske kampel the zaačhavel. Zaačhavaha les čak akor teh avena savore u thovena pes ke amari sera." Phenel jekh manuš khatare organizacija Khanči buteder andral Polčiko themi. "
E Gipsy Television tumenge pal akada „nacijonalisticko phiriben savo kerena o extremisti" anela dhikiben tah informaciji. Dhiken pro amaro webos.
