KANADATE: Romaňi famiľija khatar Ungriko kerel lač pre peskere themeskere manuša
Hamiltonoste 9. oktoberis 2010 (TASR) - Buteder sar 16 muršen andrale ungriko Papy rakinďa pro bange lava thaj solacharipena pro oda kaj the avena andre Kanada ejla len odoj buťi, bešaviben thaj šukar dživipen andro foros Hamilton. Akada bilačhipen kerenas buteder sar deš berša.
Pal oda save informaciji rakinďa e federalno raňi pal o kriso Sandra Antoniani pro interentoskero than The Record džal pal e romaňi famiľija savi si andralo Ungriko. Kanaďakere šingune /save keren peskeri buťi pro graja/ phende kaj roden akadi vrama šoven muršen thaj štar džuvľen save doresen andro berša 24-48. Akala manuša olenge romenge save avile andre Kanada lenas lendar savore papira, o dokumenti, love save chudenas pal o socialno themeskero ažutipen. Ejňa, dešendar saven roden o šingune andre Kanada pes sikhavel pro oda kaj kerenas thaj keheliben, bisznisos le manušenca prejkal kaľi buťi - phageripen pal o bejzutne manušakere hakaja.
Vakerel pes pal nek bareder kajso bilačhipen savo pes kana kerďa Kanadate, ola vramatar kana ľija zoraleder hakaja andre peskeri themutňi prejkal ochto berša pal pale. Akala manuša saven roden andre Kanada pes šaj ačhen eršejne saven rakinena andre bertena vaš oda kaj kerenas kheliben - biznos pal e kaľi buťi le manušenca u phagerde lengere manušakere hakaja. Pal akada incidentos, bilačhiben pes dodžanďa jek themeskeri inštitucija andro čhon decembroste 2009, kana jekh akale manušendar saveha kerenas kajso bilačhipen vakerďa savoro avri. Sigeder pes pal akada khanči ňiko došunďa vaš oda kaj akala manuša nadžanenas angikano čhib u korkore našťi džnas ňikaj avri andralo kher kaj bešenas. Pal o ideos savo sas dugo deš čhona o kriso andre Kanada pes agoreste do vakerďa ko oda kaj akala manuša pes mušinen the arakhel u the thovel pro kriso.
