SOCIJALNO/AŽUTIPNASKERE: O Exekutoris mange zaphandla o lovakero učtos, hi man 9 čhavore u imar 2 čhona som bijo love
foto Gipsy Television
Čierna nad Tisou 22. novemberis 2010 (Gipsy Televison/Emil Balog) - Buteder romane famiľija pre peste line kejse kejčeňa - požički save len dine lovakere grupi save numa nane rakinde maškar klasicko banki. Oda so pes ačhel pajk hi čačipen kaj akadi famiľija nabirinel, nadžanel e požička the poťinel sar kampel u vašoda avel pre lende o exekutoris savo lenge zaphandel lengere učti kaj lenge phiren varesave love. Avka pes ačhiľa akada thaj la Melindake Lakatošovake. „Imar duj čhona som bijo love, hi man 9 ciknore čhavore u nane man so lenge te dav the chal, nadžanav sostar poťinava palo bešiben, o kher" phenďa prejkal Gipsy Television.
So pes sikhavel sar dhukado čačipen akadi varma/ideos andre amari themi si oda kaj maškaro nipos si but kerde bare napoťinkerde avri kejčeňa thaj pharipena kaleha zaučharde. Andre demokarticko themi, kaj e buťi pes naarakhel lokes u o systemos pal e socialno keripen pes visarel pro socialno šegitipen, ažutipen, pes buteder arakhas ajse famiľijenca saven nane ajsi but love ko chuľajipen sar kampel. Oda kaj a kasje famiľiji hin, baravel ďives, ďivesestar pro buteder thaj vašoda kaj amen dochudľa thaj vašoda kaj amen dochudľa andre akadi vrama, ideos o lumakero lovakero phageripen/e kriza.
Kejčeňa, požički khataro lovakere grupi save numa nane rakinde maškar klasicko banki si akala ďivesa vareso so ko dživipen si imar zaučhardo. Hine but šukar thaj lačhe the len džanas the poťinel sar u kana kampel po ideos. The akada e famiľija nadžanel u akada keripen našavel, dochudel pes ko baro dživipnaskero pharipen. Pajk avel o exekutoris. Oda zaphandel o učti u o manuš pes našťi dochudel ňi ko peskere socialno, ažutipnaskere love khatare sicijalka save pre akada učtos aven. Andre kajso bilačhipen pes dochudle buteder romane famiľiji. Pro manuša perel baro dživipnaskero cerpiňipen, vašoda kaj len nane love pro oda kaj the poťinen o bejzutne punkty palo peskero dživipen/chaben, bešiben.../ „Imar duj čhona som bijo love, hi man 9 ciknore čhavore u nane man so lenge te dav the chal, nadžanav sostar poťinava palo bešiben, o kher" phenďa prejkal Gipsy Television.
Sar pes šaj dochudas ko varesavo ažutipen andral akajsi situacija si oda kaj mangas le krisos palo odrakipen pal e dugeder vrama, ideos la exekucijake u oda vaka kaj vakeras pal oda kaj akaleha pes šaj ačhel phageripen, baro binos pre famiľija. Aver dhikiben pro kajso ažutipen ko exekutoris si oda kaj ola manuša save chuden andrale socijalka love, magen la socijalka kaj lenge akala love the na rakinen pro lovakero učtos numa the den lenge o love andro vast /pre pošta/. U pajk o manuš mušinel the dovakerel pes le exekutoriha proda kaj leske joj the kerel poťibnaskero kalendaris savo joj poťinela. Cikneder lovenca.
O exekutoris tumenge šaj thovel o vast pro tumare love - lovakero učtos - bijal oda kaj leske pro akda the del hakajenca lav o kriso, akor the sas phandlo dovakeriben akala lovakera grupaha le notariha. Numa palo 1. Januaris beršeste 2009 mušinel le manušske the mukhel o exekutoris pro lovakero učtos nek frimeder 99,58 euri proda kaj peske zhe džanel the zaučharel o bejzutne punktura palo chaben, bešiben. Numa the tumnege keren o zaphandlipen pre akada lovakero učtos našťi tumenge les thovel pre savore love save tumenge pro učtos aven.
Melinda Lakatošová - foto Gipsy Television
