ČR: O čhibalo Nečas nane vaš jekh oleha so phendžas o Schwarzenberg pal o Sarkozy

O čhibalo pal o čechiko governmentos kamel te zumavel avri, či le šerutnes pal o maškarthemengro kerďipena hin dosikavibena pre oda so phendžas kaj oda šaj avľas proci romengero kerďipen andre Francia. Petr Nečas gondoľinel kaj les ajse dosikavibena nane. Jov korkoro peske gondoľinel, kaj oda pes ačhel vaš oda so oda drom sar dživen o rumunske Roma andre Francia odoj nane manglo the naden oleske paťiv.

E rakusko agencia APA pal o Nečasoskre lava phendžas, kaj oda has peršo maškardženengri kritika pal o šerutno pro maškarthemengri kerďipena andre Čechiko. „Oda, sar o prezidentos Sarkozy bičhavel pale le rumunske Romen, nane mištes oleha so phenel o EU. Šaj phenas, te pre oda dikhas kaj pes odoj sikaven avri the o proci romengre dikhibena", phendžas o Schwarzenberger sombatone pre dal o server lidovky.cz. Jov peske gondoľinel kaj varesavo nalačhi hin the e idea the kerel summitos pal o europejske bare thema pal o romane phučibena the odoj te na vičinel ani le govermentoskre manušen andal e Rumunia, Bulgaria vaj ani pal o Čechiko. Ada summitos pes majinel te ačhel andro Pariž ki o 6. Septembros.

„Te kerel o skerďipen bi ola thema andre savo hin ada phučiben varesar zakerdo hin namišto gondoľipen", phendžas o Schwarzenberg Le čhibaleskro žutimaskro manuš pre dal o dženengere čačipena RomanJoch phendžas kaj ada summitos hino igen namišto. O govermentoskro splnomocnencos pre dal o dženengere čačipena Michal Kocáb phendžas, kaj andro Pariž by oda namajinelas te avel skerďipen pal lende bi lende the jak pes leske dičhol sar tebi oda avelas o „Mnichovos".

Preklad článku do rómskeho jazyka neprešiel jazykovou korektúrou (štandardizácia rómskeho jazyka).