UNGRIKO: Ažutin /šegitin/ the Tu le Romenge!
foto Gipsy Television
Bratislavate 8. oktoberis 2010 (Gipsy Television/Katarina Mrňova) - E Romaňi internetoskeri televizija pal o Vyšehradsko štar jekhetaňibneskeri thovel peskero muj u rakinel lava pro oda so pes kerel akadi vrama, ideos andro ungrike gava, andre lende pes maren le loľo kaloha.
O šerutne televizijake keren rodkeripen pal o gada save pes dochudena ko Roma save dživen andre kala gava. „Le Romenge kampel the ažutinel, pal ola džaňipena save hin amen, napr. andro gav Devecseri dživel bari grupa, romaňi komunita. The keakala manuša pes dochudľa akadi ekologicko bibachat. Vaš oda savore naaven bi manušakero jilestar u ažutinas lenge savore khetane," phenďa o Jozef Zeman šeralo, direktoris andral Gipsy Television.
O internetovo medijum, savo kerel dhikiňibena paloda so pes kerel andre romaňi problematika, mangel savore manušen, saven nane o jile barestar, savenge nane lokes pre vodži sar akala manuša dživen pal akada bibachtaľipen, kaj the ažutipen lenge. "Nakamas love, numa materijalno ažutipen, varesave deki, pochatana, gada, kamšľi, higienicko dochuďipena" dorakinďa akala lava o Zeman.
