CNN: Palo lumakero romano festivalis"International Gypsy Fest-os" imar džanel caľi luma
foto Gipsy Television
Bratislava 16. novembros 2010 (Gipsy Television/Katarína Mrňová) - Jekhprestižneder, jekhkvalitneder, the akana jekhdžanleder romano festivalis. Kajse vičinde hin le "International Gypsy Fest". Pale idea lumakere romane festivalostar pes the dodžanľa caľi luma. E reportaža pal o podujatje the leskero baro šero diňa avri jekhoprethodeder americko spravodajsko televizija CNN.
Angluno manuš andre reportaža hino baro šero le festivalostar o Jozef Šivak. Le divaken andre relacija World View, savi odsikaďa CNN informinďa pale ideja le calonestar projektostar the pal o podujatia, save sas jekhetane kaleberšekerestar "International Gypsy Fest-os". "Te resel than andro lačho visjelaco vachtos the andre jekhdikhlo televizija, pre savi dikhen miliona divaka pre savore kontinenta hino baro kheliben. Mek opreder reportaža visaľolas andro visjelanje CNN trin džives. No ča radeder ani naduminava opral koda , keci nipi šaj la dikhle ,"dodel la asabnaha o baro šero le festivalostar o Jozef Šivak.
International Gypsy Festos zathodža o občianske združenie Roma Production andro berš 2008. O podujatie pes predal o trin berš vikerdža avri pro prestižno festivalos, savo sako berš pre Slovačiko vičinel kola jekhfeder romane umelca pale cali luma. Pro festivalis pes presikhade o umelci pale Česko, Ungriko, Poľsko, Austria, Germanija, Srbsko, Bulharsko, Macedonia, Španielsko, Švedsko, Argentina the e Brazilia. International Gypsy Festos hino jekhginďardeder romano festivalis. Predalo efta ďivesa trine ezerenge navšťevnikenge thoďa avri autorsko fotografijakeri vistava "Cigáni - Gypsies", 2 - ďivesutno filmovo maratonos, 4 - ďivesutno teatralno workshopos, koncertos tradično romane bašavibnaske the o galaprogramos International Gypsy Festos , savo peske andre športovo hala Trebišovoste dikhle 1.400 divaka. Trito beršengero International Gypsy Fest-os pes kerelas telo prezidentos SR Ivan Gašparovič.
