UNGRIKO: O Ňipeskeri kancelarija zapandľas o avrirodipena pal le romengre murdaripena
Pešťate 9. augusta 2010 (TASR) O Ungriko ňipeskori kancelarija zaphandľas o avrirodipena pal o šov romengere murdaripena, so pen chudle te ačhel mek andro julos 2008. O šingune mangen te anel avri e doš pro savore štar zachudle murša, pal save gondoľinen kaj oda kerde, phendžas oda adadžives Budapešťate le žurnalistenge o šerutno NNI Zoltán Csizner.
Sar phenel e Ungriko pizdimo agencia MTI, has pre adi murdaripnaskeri seria so pes na ačhiľas nikhaj avrether ča andro Ungriko, avriviľimen 78 naboja pro eňa thana, pro efta thana čhide 11 zalabarde cakli. Paš ala namište keravibena murdarde šove dženen, maškar lende the jekhe čhavores. Panč džene has igen phares dukhade, maškar lende the jekh čhavoro. Sar phende o manušas so oda rodenas avri, jekhenane kerde bibacht 55 dženenge. Sar phendžas o Csizner, adi seria pal o igen namište keravibena has čha peršo the oleske, kaj pre aver sere ki ole keribena so pen ačhile dži do akana, nahas paš kada o sexualno vaj aver doš, ale hlavno doš has te murdarel varekas. Ola džene so oda kerde kamenas te visarel le Romenge pale vaš o nalačhipena so varekana o Roma kerde the the vičinel andre lende e dar.
O thana kaj o murdaripnaskere manuša kidle avri pal oda, kaj pes vareso kerdžas varesavo čhasos anglal oda. Kidle avri thana savendar pes diňas mištes the sig te denašel, kaj o murdaripen te avel so nekčepeder rizikovo. Nekphareder murdaripen pes ačhiľas 22. Februara 2009 andro gav Tatárszentgyorgy, kaj pro romano kher čhide Molotov koktail. O murdaripnaskere murša viľinde le dades the leskere pandžeberšeskre čhavores, sar denašenas anglal e jakh. Aver šoveberšengri čhajori has phares dukhadži. Paluno murdaripen pes ačhiľas andro 3.augustos 2009 andro gav Kisléta, kaj viľinde 45beršengera romaňa džuvľa the lakra 13 beršengera čhajora phares dukhade.
Preklad článku do rómskeho jazyka neprešiel jazykovou korektúrou (štandardizácia rómskeho jazyka).
