Nevipena

Hradcoste Kralove 18. januaris 2011 (Gipsy Television/Paulína Janová) - Foroskero urados andro Nove Bdžovo peske vašoda kaj o Roma keren bari bibacht taj naláčhipena kamen the poťinel manušen andral jekh agentura save pre lende kerena viďazipen - merkeripen. O foros mangel thaj aver gava the forova sven si kajse problemura le romeca kaj the keren jekhetaňi buťi pal akada nalačhiben. Pro jekhetano buťakero arakhipen pes o šerutne pal akala gava the forova vakerena 14 februaroste andro gav Novi Bidžov.

Peštate 18. januaris 2011 (Gipsy Television/Paulína Janová) - kana muľe trin džuvla pro internetos pes irinenas načačipena paloda kaj len o ungrike Roma dosurinkerde. O doktoriko dhikiben pro krisos the o šingune imar džanel oda kaj o meripen akale džuvlenge „na sas kerdo čhurenca".

Čamovceste/Mučinate 14. januaris 2011 (TASR) - O gava Čamovce the Mučin andro thaneskero khotor pašo Lučencoste pes kerel projektos Socialno ažutipnaskeri/šegitipnaskeri buťi prejkalo Roma. O asistentki thaj o buťakere palo socijalno ažutipen kerena kada servisos le Romenge duj berša.

Kašate 12. januaris 2011 (Gipsy Television/ Pavlína Janová) - O nek bareder vakeriben savo pes rakinďa pro deš šingune saven o Generalno kriso SR thoďa phageripen palo hakaj vašoda kaj kerde bilačhiben pal peskeri buťi u štarenge thoďa thaj aver phageripen hekajenge save vakeren pal oda kaj kerde mariben pro romane čhavore andro šingunakero than, u akada peske paj thode sar filmos andro mobili, sas adaďives pro themeskero than Kašate II pal pale prethodo pro ďivesa 16 či ko 18 februariste.

Bratislavate 7. januaris 2011 (Gipsy Television/Katarína Mrňová) - E Gipsy Television kerel prejkalo peskere dikhibnaskere manuša pherasutňi - asavibnaskeri relacija savi pes vičinela Kuvo Palo Droma. E relacija šaj dhikena pre romaňi televizija - internetoskeri blakica/webos sako jekh čhon.