Luma

Londinoste 12. oktoberis 2010 (TASR) - O Britaniko šingune ľija tel peskero merkiriňipen viďazipen 28 romane čhavoren, save arakhle pro rodipen andre varsave khera Londinoste, akada rodipen kerde vaš oda kaj džanenas hoj pes le čhavorenvca kerel imar varesavi dugeder vrama bibachtaľipen - kheliben - čhavengero biznisoha.

Bruseliste 17. septembros 2010 (TASR) - O Nemčiko na kerela andro nek pašeder kurke phageripena, pro romane tabora, avka sar pes akada kerel akana andro Francuziko. Akadi duma savi rakinďa o prezidentos /šeralo pal o them/ o Nicolasis Sarkozys ič raťi pre akada ďives, kana aviľa pal o arakhiben samitoske EÚ andralo Bruselos, sas chochaviben, phenďa o čhibalo la ňemčiko kancelarkake Angela Merkelovake.

Bruseliste 16. septembros 2010 (TASR) - Francúziko themeskero šerutno o Nicolas Sarkozy ada ďives delas duma pal oda kaj leskero them, numa the te džanel sar savo na šukar lav, kritično dhikiben o Europikano jekhetaňiben pre leste rakinel, kerela kontinuita pal o phageripen kale taborenge andre save dživen roma save avne andro Franuziko khatar aver thema.

Bruseliste 14. septembros 2010 (TASR) - Ada ďives vakerelas e dujťi šerutňi pal o bejzutne manušakre hakaja, andrale Europikaňi komisija (EK) Vivian Redingova kaj kamel the tradel oda so pes kerel andre Francia le romenca pro krisos.

Bukurešťate 8. septembros 2010 (TASR) - O šerutno le rumuniakere romendar Iulian Radulescu prithodžas adadžives le francijakere themakere šertunes le Nicolas Sarkozy ki o rumuniakero nacistisko nekbareder šerutno Ion Antonescu.